疫情期間連買餸都有困難，我呢啲懶人，就梗係鍾意訂啲已經醃好兼煮好嘅嘢食啦，想簡單翻熱就食得，我推介「慢煮意」，有咗Slow Cook Solutions，手殘都可以變廚神！
慢煮意採用來自世界各地嘅高質食材，再由經驗廚師團隊慢煮烹調，製作出簡單易處理的食品，方便又好味。我今次就訂咗牛排、牛頰肉、豬鞍架，仲有法國去骨黃春雞，全家人一齊食慢煮西餐。
已經過2小時低溫烹調美國檢定安格斯牛肉眼扒，1小時30分鐘低溫烹調的西班牙伊比利亞豬鞍架，以及45分鐘低溫烹調法國去骨黃春雞，基本上原pack用滾水解凍數分鐘後，開封後印乾肉表面的水分，用煎pan加熱分半鐘，加上調味料再加熱多分半分鐘就食得。我自己就最鍾意食雞，黃春雞肉質嫩滑之外，調味亦做得很好，而肉眼扒配黑椒汁更是一流！
招牌必試的 60小時低溫烹調美國連骨牛小排，以及24小時低溫烹調波特酒巴西牛頰肉，由於已經過長時間慢煮，更加唔需要再煮，用100度滾水成包浸15分鐘開封就食得，超方便！牛頰肉超級腍，加上紅酒汁，配白飯的話，應該會汁到撈埋。牛小排經過60小時慢煮，所以口感非常嫩滑，慢煮可以鎖住肉汁水份，絕對係原汁原味！
消費滿$500即可享免費送貨到香港及九龍區，未開封產品可以存放於冰格一個月，解凍可以預先放到雪櫃上格10小時，然後隨時即熱即食，相當方便。
留言
張貼留言